O responsable municipal do BNG en Santa Comba, Juan David Sixto, esixe ao goberno local a limpeza do lixo acumulado á beira das naves onde se imparten ensinanzas de música e adestra o equipo de taekwondo. Segundo o BNG, o propio Concello xenerou este vertedoiro con residuos sólidos nos últimos tempos.
“Alertamos da irresponsabilidade que supón manter así as instalacións sen executar ningunha actuación de mellora e agora temos que engadir que o goberno municipal non só non fixo nada senón que é tamén responsábel do estercoleiro que acumularon no exterior» denuncia Sixto.
A denuncia súmase á presentada hai quince días polo partido, na que se criticaba o mal estado do interior das instalacións e se pedía unha actuación urxente..
o BNG de Santa Comba subliña que o Concello non realizou ningunha mellora no interior das instalacións, onde se produce filtración de auga e risco próximo a instalacións eléctricas, e ademais é responsable do vertedoiro externo.
