O concello de Mazaricos valorou positivamente a sinatura do convenio da Senda do Xallas-
Segundo explica o concello, “o proxecto permitirá acondicionar máis de 70 quilómetros de ruta fluvial, conectando Mazaricos cos municipios veciños de Santa Comba e Zas, poñendo en valor a nosa riqueza natural, histórica e paisaxística”.
Ademáis indica que “este gran proxecto non suporá un esforzo económico para as arcas municipais” xa que a Deputación da Coruña financiará o 80% da obra, case 300.000 euros, e Xeal asumirá a aportación correspondente ao Concello.
Colaboración público-privada
“Grazas a esta colaboración público-privada, Mazaricos contará con novas pasarelas, sinalización e áreas de descanso sen que a veciñanza teña que aportar fondos” detallas nun comunicado.
O itinerario permitirá que veciños e visitantes percorran o río Xallas, fomentando o deporte, o turismo sostible e o respecto pola biodiversidade.
Desde o goberno local que preside Juan Blanco sinalan que seguirá traballando na xestión de recursos “para que os grandes proxectos cheguen ao noso Concello sempre da man da colaboración e o aforro para os veciños”.
