A Asociación Musical Costa da Morte terá a súa presentación oficial o vindeiro sábado 7 de febreiro de 2026 no Casino de Carballo, a partir das sete da tarde.
Segundo informa a entidade, o acto incluirá un coloquio aberto, intervencións de representantes e un pequeno encontro musical con actuacións en directo de varios membros da asociación.
A nova organización nace co obxectivo de promover a música e as actividades culturais na Costa da Morte, buscando maior coordinación entre bandas, solistas, agrupacións locais e outros axentes do panorama musical da comarca. A presentación será aberta ao público, con entrada libre ata completar aforo.
Forman parte deste entidade varios músicos da Costa da Morte con dilatada traxectoria.
