O BNG de Santa Comba reclamou ao goberno municipal medidas urxentes para reparar o ximnasio público do Complexo Deportivo Municipal Fontenla, tras denunciar un deterioro que, segundo afirma, está a poñer en risco a seguridade das persoas usuarias.
O portavoz nacionalista, Juan David Sixto, rexistrou unha iniciativa no Concello na afirman facerse eco das queixas veciñais e enumera os principais problemas detectados: goteiras continuas, auga encharcada, deterioro avanzado das máquinas deportivas e zonas nas que a auga se acumula preto de instalacións eléctricas.
Medidas urxentes
Sixto considera que a situación “é lamentábel” e sostén que non se pode agardar máis para actuar, sobre todo pola evolución das últimas semanas, xa que as fortes choivas estarían agravando os danos e aumentando os riscos. O portavoz alerta de que o problema “vai a máis” e insiste na necesidade de executar as medidas oportunas canto antes.
Desde o BNG tamén critican que o Concello acumula incidencias en distintos servizos públicos (centro médico e centros de ensino) e lamentan que, despois doutras denuncias sobre instalacións municipais, «agora sexa o ximnasio o que presente un estado que cualifican de inadmisíbel».
Fotos- BNG de Santa Comba
