A Praza de Santa Comba acolleu esta mañá a Entrega dos Premios correspondentes á campaña «Merca no teu comercio», que se desenvolveu entre o 15 e o 30 de setembro en Santa Comba, Negreira e Bertamiráns, cun total de 3.527 tickets rexistrados.
Entre os consumidores que mercaron nos establecementos destas localidades durante a iniciativa, sorteouse un total de 1.000 euros, repartidos en 20 tarxetas prepago de 50 euros. Os gañadores recibiron o seu premio, que deberán empregar en novas compras no comercio de proximidade local.
«Merca no teu comercio ten premio» é unha campaña de promoción e dinamización das vendas do comercio de proximidade dos municipios rurais organizada pola Federación de Comercio de A Coruña, a Federación Galega de Comercio e a Xunta de Galicia, en colaboración neste caso da Asociación de Empresarios de Santa Comba e de Xuntanza de Empresarios de Ames.
Na entrega de premios participaron representantes das entidades organizadoras, entre eles, Luis S. Fernández, secretario xeral técnico da Federación Galega de Comercio; Noelia Baleato, concelleira de comercio e tenente de alcalde de Santa Comba; David Suárez director de oficina de ABANCA en Santa Comba, e Mari Osorio, Técnica da Asociación de Empresarios de Santa Comba.
