O cartel das Festas de Castriz, en Santa Comba, anuncia o programa para 2025 cunha variada oferta musical, gastronómica e relixiosa durante tres días. O venres 19 de setembro celebra a “Festa do Calimocho”, con chourizo ó viño, o calimocho e unha gran verbena amenizada pola orquestra Cinema de César Romero e a disco móbil Macro CDC. Estes actos terán lugar no campo da festa.
La Fórmula e o Trío Alborada en Santa Rita
O sábado 20, na honra a Santa Rita, celebraranse misas a diferentes horas (8:00, 9:00, 11:00, 12:00, 13:00 e 19:00), incluíndo unha procesión desde a igrexa. O programa inclúe pasarrúas, concerto do Grupo de Gaitas Santa Combers, sesión vermú a cargo do Trío Alborada e pola noite verbena coa orquestra La Fórmula e Macro CDC. Rematará cunha gran sesión de fogos artificiais.
En La Fórmula está o carismático Peke, o seu fillo Kevin Moreira e tamén o caionés Ángel Mosquera gañador da presente edición da Liga dos Cantantes Extraordinarios da TVG.
Costa Dorada con Ara Nieto, o día das Dolores
O domingo 21 está dedicado á Nosa Señora das Dolores, con misas, procesión, pasarrúas, concerto do Grupo de Gaitas Os Garuleiros, sesión vermú e verbena coa orquestra Costa Dorada.
Nesta orquestra milita a artista mazaricá, Ara Nieto, gañadora do Recantos do Luar na edición 2022. Nesa época visitou en varias ocasións Radio Xallas.
O cartel tamén mostra a colaboración da comisión con numerosos negocios e entidades locais, reforzando o carácter comunitario das festas.
