Sebas Allones triunfou no concurso organizado polo programa Quen anda ai da TVG.
Tremendo éxito do artista camariñán Sebas Allones Dans, que, a pesar da súa curta idade, amosa unha profesionalidade impactante así como unhas cualidades interpretativas moi destacables.
Templanza e arte deste cantante con raíces en Camelle e Ponte do Porto, que chamou a atención dos espectadores da Televisión de Galicia e tamén do xurado do concurso promovido polo programa Quen anda aí, que o seleccionou como gañador do certame Da rúa á lúa.
Durante a súa participación neste concurso, Sebas sorprendeu gratamente interpretando cancións como Pena, penita, pena, Hoy quiero confesar ou Luz de luna.
Unha vitoria merecida para un rapaz con moito talento e proxección, que recibiu múltiples felicitacións a través das redes sociais. Desde o Concello de Camariñas, e tamén a alcaldesa Sandra Insua, resaltaron a “actuación espectacular” de Sebas.
Así mesmo, a deputada autonómica e portavoz popular, Paula Mouzo Mas, que tamén tivo relación co mundo artístico, valorou a “excelente interpretación”, sinalando que Sebas é “un orgullo para o noso concello”.
PARABÉNS SEBAS !!!!