A voceira do Partido Popular de Camariñas, Paula Mouzo Mas, criticou duramente a xestión do goberno socialista local e explicou o seu voto en contra do recoñecemento extraxudicial de crédito no último pleno.
A través dun vídeo difundido nas redes sociais, lembra que este punto incluía 95 facturas por un importe superior aos 180.000 euros e volveu a contar cun «reparo de carácter suspensivo por parte da Intervención», segundo sinalou Mouzo.
Falta de fiscalización, advertencias da Interventora
A voceira popular fixo fincapé nas advertencias da interventora municipal, que «segue facendo advertencias asegurando que hai servizos que, textualmente, urxe sen máis demora, proceder á súa licitación».
Ademais, o informe de Intervención, segundo Mouzo, refírese a «facturas de imposible fiscalización» e ao «abuso do contrato menor». A situación máis grave, para a popular, é que o informe alerta de que nalgunhas facturas “obviouse totalmente o procedemento de contratación, algo que me parece moi grave e que demostra a mala xestión que fai este goberno».
Ante estas «queixas de Intervención que se veñen repetindo reiteradamente», o Partido Popular de Camariñas decidiu votar en contra, expresando a súa «preocupación por estes informes».
No mesmo pleno pediu a alcaldesa, que procedera a licitación dos servizos pendentes.
