Arantón celebrará as súas festas na honra a San Antonio os días 12 e 13 de xuño. O xoves 12 haberá pan da pitanza desde as 17:00 h, misa solemne pola tarde e un serán amenizado con música tradicional de gaitas.
O venres 13 continuarase coa repartición do pan en horario de mañá (9:30 a 14:00 h) e pola tarde desde as 16:30 h. Celebraranse misas ás 9:30 h, 11:00 h e a misa solemne do mediodía. A sesión vermú e a verbena estarán amenizadas polo Dúo Élite.
Festas de Castriz 2025 – San Pedro
As Festas de San Pedro en Castriz celebraranse os días 28 e 29 de xuño. O sábado 28 haberá misa ás 12:00 h e solemne ás 13:00 h na honra ó Santísimo Sacramento, seguida dunha sesión vermú co grupo de gaitas Os Garuleiros e a actuación do Dúo Ciclón.
O domingo 29 celebrarase a misa solemne ás 13:00 h na honra a San Pedro. A sesión vermú contará coa música tradicional do grupo de gaitas Bazar e a actuación de Xilo e Carlos.
