Festas de San Pedro 2025 en Ponte do Porto.
Xa coñecemos o programa das festas de San Pedro 2025 en Ponte do Porto, no concello de Camariñas, que veñen cargadas de música, tradición e diversión durante dúas fin de semana consecutivas.
A programación comeza o venres 27 de xuño coa tradicional sardiñada popular desde as 20:00 h, amenizada polo Duo Show e o grupo de pandereteiras «O Cansorriño».
O sábado 28, día de San Antonio, celebrarase a misa e procesión coa colaboración do grupo de gaitas «Vaiche Boa» e, pola noite, gran verbena a cargo da orquestra Pontevedra, xunto á Disco Móbil Mega CDC e o DJ Jaavi. Durante o día tamén haberá a tradicional baixada de carrilanas polo río Porto, aproveitando a marea alta.
O domingo 29, día grande de San Pedro, repetirase a misa e procesión, esta vez acompañada polo grupo de gaitas «Con toda en banda», e pola tarde-noite, sesión vermú e verbena con Trébol e o DJ Borja Solla.
A festa continúa o venres 4 de xullo cun dos pratos fortes do cartel: a actuación do coñecido artista Danny Romero, a partir da 1 da madrugada, acompañado da Disco Móbil Mega CDC.
O sábado 5, día da Virxe do Socorro, haberá misa, procesión con Abrindo Rejo e verbena con Nueva Fuerza,e DJ Unaii.
E para pechar, o domingo 6, Día do Sacramento, misa e procesión con acompañamento da Banda de Cee e macro sesión vermú coa artista Tania Veiras e Los Cumbiapop.
As festas contan coa colaboración do Concello de Camariñas.
