A Fundación Brandomil inicia esta semana unha nova campaña arqueolóxica no entorno da Pedra do Altar, co obxectivo de afondar no coñecemento do xacemento romano situado na parroquia de Brandomil, no concello de Zas.
A intervención está dirixida polo arqueólogo Lino Gorgoso e contará coa colaboración do CSIC-INCIPIT, que aplicará técnicas de prospección magnética e teledetección de última xeración, como gradiómetros, xeorradares e sensores infravermellos.
Segundo a Fundación, estas ferramentas permitirán delimitar con precisión as áreas de maior interese e deseñar futuras escavacións cun nivel de detalle poucas veces aplicado a nivel europeo.
Os resultados presentaranse nas vindeiras semanas á Consellería de Cultura, como paso previo á planificación das campañas previstas para os anos 2025 e 202
