O alcalde de Santa Comba vén de enviar unha proposta á Xunta de Galicia para poñer a disposición do goberno autonómico os terreos necesarios para que Santa Comba acolla unha das vintecatro residencias para concellos de menos de 50.000 habitantes anunciadas polo Presidente da Xunta, Alfonso Rueda, no Debate sobre o Estado da Autonomía.
Alberto Romar argumenta que “Santa Comba ten unha zona xeográfica privilexiada e unha poboación envellecida que xunto coa ausencia de residencias en municipios limítrofes, fan deste concello nunha elección idónea”.
Terreos en Santa Comba, Ser e A Pereira
O concello oferta terreos nas parroquias de Santa Comba, Ser e A Pereira.O alcalde tamén se mostra disposto a negociar con particulares por se interesaran outras ubicacións que non sexan públicas e asegura que “facilitará tódolos tramites administrativos e técnicos precisos”.
Desde o goberno local xalleiro confían en que “Santa Comba vai a ser unha das ubicacions elexidas” e agradecen que a Xunta de Galicia valore a proposta presentada.
