Os bombeiros do parque provincial de Cee foron mobilizados por un accidente de tráfico no concello de Camariñas, na estrada que conecta a Ponte do Porto con Camelle.
A saída de vía produciuse nunha curva, a causa dunha mancha de gasoil que se estendía por varios quilómetros. Unha persoa resultou ferida de diversa consideración e foi trasladada por unha ambulancia, sen precisar excarceración. A intervención consistiu na limpeza da vía en colaboración coa Garda Civil de Tráfico, a Policía Local de Camariñas e o servizo de conservación de estradas.
Información e foto- Consorcio Provincial Contraincendios e Salvamento
