A deputada socialista no Parlamento galego, Patricia Iglesias Rey, denunciou «situación de shock» que vive a sanidade na comarca e en Galicia, en especial coa falta de especialistas.
Desde o Centro de Saúde de Carballo fixo un chamado a que «se sume todo o mundo á manifestación» pola Sanidade Pública convocada para este domingo ás 11:30 na Alameda de Santiago de Compostela, para defender un sistema «de calidade e, sobre todo, para todos e todas as galegas».
«As socialistas de Galicia avogamos por unha sanidade pública para todos e todas as galegas e, sobre todo, que sexa accesible e de calidade con profesionais en todos os centros de saúde», afirmou.
Iglesias Rey indicou que «cuantificábanse pola Asociación de Pediatría en Galicia que máis de 40.000 nenos non teñen dereito a 1 pediatra no seu centro de saúde». E que «tamén saía onte un informe do Consello de Contas onde se dicía que aumentou o 18% a derivación á sanidade privada, é dicir, cartos hai».
Falta de profesionais na comarca
Pola súa banda, a voceira socialista no Concello da Laracha, Inés Ramos López, subliñou tamén «a falta de profesionais, tanto médicos como especialistas, en toda a comarca».
Enumerou tamén «a necesidade dunha ambulancia medicalizada, a falta de especialistas como por exemplo o pediatra en Zas ou, por exemplo, a tardanza para poder ter unha cita coa matrona no caso da Laracha, que de 15 dias».
Reclamou tamén «un acondicionamento do aparcamento para o helicóptero de urxencias» en Carballo, e, en xeral, «que todos os cidadáns podemos ter acceso» á Sanidade Pública.
