O cámping Lago-Mar na fermosa praia do Lago de Muxía reabrirá as súas portas o vindeiro 12 de abril, sábado, cunha programación especial que aunará cultura, gastronomía e terra. Na festa de apertura hai unha foliada libre a partir das 18.30 horas.
O menú das xornadas seguintes seguirá así: Domingo 13 de abril: Concerto dos ferroláns Mentah, a partir das 19.30. Días 14, 15 e 16 de abril: campamento infantil para xogar e disfrutar das vacacións en plena natureza, de 16.00 a 20.00, cun custe de 15 euros, incluíndo merenda, e inscripcións no 600 80 49 32. 17 de abril, xoves. Ás 10.00, andaina polos arredores do cámping coa asociación O Camiño dos Faros, con posterior charla en formado podcast e paella. Sábado 19 de abril: Show de improvisación co Colectivo do Flow, das 19.00 en adiante. Domingo 2 de abril: Concerto ás 19.30 do cantautor country estadounidense Noel Mckay, afincado en Galicia.
A cooperativa xuvenil Horta Creativa, encargada da xestión de Lago-Mar, pretenden un «espazo cultural vibrante nunha localización privilexiada para explorar, disfrutar e relaxarse». Nesta xeira destaca a iniciativa do xoves santo á par do Camiño dos Faros que recorre ademais un tramo xacobeo da Vía Céltica engarzando en Merexo co camiño posxacobeo a Muxía, con Cereixo como referente. Unha xornada con arte, literatura, historia e natureza.
ANDAINA INTERPRETATIVA PONTE DO PORTO-PRAIA DO LAGO POLO CAMIÑO DOS FAROS
09:30 Quedada na Praza de San Roque (Ponte do Porto). Ao final da andaina organizámonos entre todos para levar aos pilotos de volta a polo coche. 10:00 Ponte do Porto, 10:15 Mirador de Cereixo (Charla interpretativa Ponte do Porto e Cereixo polo escritor e historiador Rafael Lema), 11:00 Cereixo (Muiño de Mareas, Igrexa de Santiago, Torres de Cereixo e Carballo de Cereixo), 11:15 Cruce dereita Furna do Sapo, 11:30 Furna do Sapo, 11:45 Praia de Area Grande, 12:30 Praia de Leis, 12:45 Faro da Praia do Lago, 13:00 Praia do Lago e Final de Etapa Camping-Lago Mar as 13:15. Retorno dos pilotos de volta ao coche. Charla da Asociación O Camiño dos Faros con tres ponentes e as 15:00 Paella cortesía no Camping Lago-Mar.
