Representantes da Asociación Vendaval Costa da Morte reuníronse co alcalde de Corcubión, Javier Domínguez Traba, que na actualidade ocupa a presidencia da Mancomunidade de Fisterra “para mostrarlle a súa preocupación pola calidade da auga que consome a veciñanza dos concellos que conforman esta Mancomunidade”.
Desde Vendaval expresaron a súa oposición o proxecto de construción dunha estación de bombeo no Monte da Ruña e a súa inquedanza polas “consecuencias medioambientais e patrimoniais, das que tanto asociacións como Adega están a informar ou mesmo o catedrático Vidal Romaní polo desastre ecolóxico que suporía, a destrución do último glaciar rochoso existente na Costa Atlántica galega, outra delas, e a máis importante para a nosa saúde, é a contaminación das augas froito desta obra”.
Segundo Vendaval, o alcalde Javier Domínguez Traba(BNG) que estivo acompañado polo concelleiro Francisco Santiago López, mostrouse “en todo momento a preocupación pola gravidade do tema e comprometéronse a informar a veciñanza e a organizar xornadas formativas sobre as consecuencias que terá a construción deste proxecto na Ruña”.
