A compositora de “O Noso Canto” é unha artista con raíces na Costa da Morte, Belém Tajes (Arou) que se encargou da letra e da música deste proxecto impulsado pola Xunta de Galicia e no que participan máis de 30 artistas galega que “ únense para simbolizar toda a forza interxeracional do feminismo baixo un único sentir: a igualdade de xénero”.
As voces principais son Rosa Cedrón, Uxía Senlle, Lucía Pérez, Sabela Ramil e Yoly Saa.
Cooperan nos coros Nastasia Zürcher, Carolina Rubirosa, Ana Moas, Claudia Abril, Catuxa Salom, Icia Varela, Sara Nebra, Leticia Rey, Sara Gimeno, Genara Méndez e o Coro de Voces Brancas (Aroa, María, Amelia, Celtia, Aitana, Grecia).
No apartado musical aparecen as “Adufeiras de Slitre” Bea Mariño, Carolina Vázquez, María Pardo, e Iria López, cos pandeiros.
Tamén María Jorge (Caldo) co violín, e Anaïs Barbiera coa pandeireta, Sabela Caamaño(acordeón) e Antía Ameixeiras (violín), do dúo Caamaño&Ameixeiras e Bea Martínez, coa arpa céltica.
O equipo técnico está tamén formado por mulleres, Road Ramos (produtora), Salomé Limón (enxeñeira de son e masterización), Ana Díez e Sara García (axudantes de produción).
Unha desas mulleres é Genara Méndez, veciña de Arou– Camariñas e avoa da Belém Tajes.
