O PSOE denuncia a falta de obras en Muxía. A reflexión do portavoz local é directa:
“Ao final, os veciños e veciñas están comprobando como a moción de censura foi unha manobra de conveniencia entre PP, BNG e Javier Sar, no que antepuxeron os seus intereses particulares aos intereses de Muxía para acabar ofrecendo loitas de poder internas, parálisis, falta de mantemento e falta de iniciativas ambiciosas” .
Desde o grupo municipal socialista denuncia que o novo goberno bipartito de PP e Independentes leva iniciadas “cero obras” durante o mandato que iniciaron fai xa medio ano logo da moción de censura.
Obras pendentes de executar
Esixen os socialistas muxiáns que “xa que o goberno de Javier Sar non é capaz de sacar obras novas, polo menos que inicien de forma inmediata as obras que estaban listas para executar” que estaban aprobadas polo executivo socialista.
E citan os accesos ao núcleo de Merexo así como a vía de acceso á zona de piscifactorías e porto con 160.000€; a obra de construcción de nova vía de San Martiño de Ozón a Cebrans e Añobres cunha inversión de preto de 250.000€; a depuradora de Quintans así como a pista Polideportiva do mesmo núcleo (máis de 200.000€); a terceira fase dos caminos interiores e saneamento de Frixe con máis de 155.000€ “que veñen a sumarse aos dous anteriores tamen executados no período socialista”; unha senda peonil na Praia do Lago de máis de 30.000€; novo firme en aglomerado da vía que une Xurarantes coa estrada de Lourido.
“Temos un Alcalde ausente e sen equipo, que ademáis é o responsable da concellería de obras pero está máis pendiente das zancadillas que a súa tenente alcalde Sandra Vilela lle ofrece todos os días que en sacar o traballo adiante” sentencia Iago Toba
