O concello de Dumbría prepara un “Entroido con gancho” con máis de 2.500 euros en premios, no concurso que se celebrará o domingo 2 de marzo no Pavillón do Conco.
É unha das grandes citas do Entroido na Costa da Morte. As comparsas que queiran participar teñen ata o xoves 27 de febreiro de 2025 ás 15:00h, para inscribirse nas oficinas municipais do consistorio de Dumbría.
Os premios para o concurso de comparsas e disfraz individual son os seguintes:
-1o clasificado: 1.200 €
-2o clasificado: 700 €
-3o clasificado: 500 €
-Un premio de 150 € , ó disfraz individual máis orixinal.
As comparsas estarán compostas por un mínimo de 10 compoñentes e terán que realizar unha actuación “ ben sexan coplas, bailes ou representacións, e que teña unha duración entre 5 e 20 minutos”, gardando unha unidade temática, tanto no seu vestiario coma na súa actuación.
A concentración de comparsas terá lugar ás 17,00 na praza do Concello de Dumbría. Haberá un pasarrúas ata o pavillón polideportivo, lugar onde se levarán a cabo as actuacións.
Haberá agasallos para as crianzas disfrazadas, animación musical e moita diversión como ven sendo habitual nestas terras habitadas polo Vákner.
