Que o goberno socialista de Camariñas destine 100.000 euros do apartado de gasto corrente do Plan Único aprobado por unanimidade, non agrada ao BNG de Camariñas, que considera que o executivo de Sandra Ínsua “xoga con trampas”.
“Da cantidade prevista para este gasto corrente, a alcaldesa colle 100.000 euros para investilo no Museo dos Naufraxios, e no pleno non comentou nada ao respecto”, afirmou o concelleiro do BNG, Xurxo Rodríguez, que subliñou que “non se pode sacar cartos da partida de gasto para metelos nun investimento, neste caso no referido museo”.
Rodríguez Baña criticou “as trampas do executivo liderado por Sandra Insua, que fai o xogo dos trileros porque non conta con orzamentos municipais e destina para o Museo dos Naufraxios un diñeiro previsto para gastos”.
