O envío de cartas asinadas polo alcalde de Muxía nas que se declaraba a nulidade das notificacións sobre a xestión da biomasa provocou a reacción do PSOE muxián que denuncia un “caos informativo” entre os veciños.
Os socialistas aseguran que” o goberno estivo enviando cartas aos veciños rmadas polo alcalde Javier Sar, e amedrentando aos veciños con posibles sancións de gran envergadura sen comprobar a información que nelas se indicaba e dando indicacións erroneas e falsas do proceder para evitar multas”.
«A nulidade non existe como tal»
E agora “ante a avalancha” se comunique “que son nulas cando realmente é unha mentira”.
O portavoz socialista, Iago Toba, manifesta que esta “contradicción” provoca inquedanza veciñal e que segundo as súas consultas “a nulidade non existe como tal e o que realmente se comunicou é unha revisión da situación, polo que pode darse o caso de que un vecino que lle chegara unha carta, coa revisión, se manteña a notificación tendo que actuar e en cambio haxa veciños que queden nun limbo informativo se o criterio cambia”.
O PSOE ofrece asesoramente ós veciños
Toba aconsella aos veciños “que se dirixan ao concello e soliciten un documento firmado polo novo Alcalde Javier Sar, que especifique concretamente a nulidade da comunicación chegada aos veciños implicados”.
Desde o PSOE ofrecen o seu asesoramento ós veciños.
“Estamos aquí para axudar aos veciños, tal e como dixemos sempre, e estando no goberno ou na oposición, o noso deber e axudar a veciñanza ante as inxustizas que se poidan presentar” indican.
