Un traballador perdeu a vida logo de sufrir unha descarga eléctrica en Laxe
Os servizos de emerxencias non puideron facer nada por salvarlle a vida.
O accidente aconteceu vinte minutos antes das 12:00 horas. Segundo a información que recolleu o 112 Galicia, unha persoa sufrira unha descarga eléctrica provinte dun farol, na rúa do Sol.
Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Carballo, ao GES de Ponteceso, á Garda Civil e á Agrupación de Voluntarios de Protección Civil de Laxe.
Os servizos de emerxencias acudiron ata a zona para efectuar o rescate da persoa, pois atopábase na cesta dunha grúa telescópica, a uns sete metros de altura.
Foi preciso o uso dun guindastre para baixar á vítima, pero nada se puido facer por evitar o seu falecemento.
INFORMACIÓN-AXEGA 112
FOTO-ARQUIVO
