//Rectifica as declaracións da alcaldesa// Non houbo un sexto Obradoiro Dual porque non se solicitou// Agradecen o apoio da Xunta que concedeu cinco obradoiros deste tipo en anualidades anteriores//
O Partido Popular de Camariñas saíu ao paso dunhas declaracións da alcaldesa socialista de Camariñas, Sandra Insua Rial, despois da clausura do Obradoiro de Emprego compartido con Vimianzo e Muxía nas que lamentaba que «a Xunta decidiu non concedernos unha sexta edición, tal e como era a nosa intención».
Non tardou en responder o PP que incluíu esta afirmación nas “continuas manobras de intoxicación informativa” por parte dunha rexedora “máis preocupada en facer oposición á Xunta de Galicia que de gobernar o concello de Camariñas”.
Os populares aclaran que o concello de Camariñas “non solicitou ningún Obradoiro Dual” nesta edición. Polo tanto sería imposible a concesión do mesmo. Si o ten pedido e foille aprobado durante cinco edicións.
Desde a formación que lidera Paula Mouzo Mas explicaron que “presentouse unha solicitude de Obradoiro de Emprego Xuvenil pero neste caso o proxecto presentado, no que participou o noso concello, non reuniu a puntuación suficiente, como si o fixeron outros concellos de diferente signo político na provincia”.
Desde o PP pídenlle ao goberno do PSOE de Camariñas e a súa alcaldesa “que traballen para presentar propostas atractivas” e aproveitan para agradecer “o apoio da Xunta de Galicia no eido da formación e o emprego, que permitiu a celebración de distintos Obradoiros que beneficiaron a veciñ@s de Camariñas.
