O concello de Vimianzo volve a ser un atractivo comarcal coa súa pista de xeo natural que se inaugura este venres 13 de decembro ás 19:00h. Estará operativa ata o 7 de xaneiro.
Este venres ata as 20:00h a entrada será libre.
Para o resto do tempo pódese reservar entrada deste esta ligazón. A entrada é de 5 euros. Inclúe patíns e terá unha duración de 45 minutos. Tamén se ofrece un “Bonoxeo”.
Horario da pista de xeo de Vimianzo
A instalación estará operativa de 11:00 a 14:00 horas e de 16:00 a 23:00 horas (última sesión ás 22:00 horas).
Dentro dese horario establécense as seguintes excepcións:
Do día 16 ata o 19 de decembro o horario será exclusivo de tarde, de 17:00 a 20:00 horas (última sesión ás 19:00 horas).
O día 20 estará dispoñible de 16:00 a 23:00 horas (última sesión ás 22:00 horas).
Os días 24 e 31 de decembro a pista pechará ás 20:00 horas e os días 25 de decembro e 1 de xaneiro a pista abrirá só de tarde, a partir das 17:00 horas.
Declaracións de Mónica Rodríguez
A alcaldesa, Mónica Rodríguez, destacou que “é todo un orgullo volver ofrecer aos nosos veciños e veciñas, e a moitos visitantes doutros lugares, unha pista de xeo natural, un dos principais atractivos da nosa programación de Nadal”.
Ademais, indicou que “contamos con monitores e monitoras que xa levan anos traballando con nós e aos que lle quero agradecer o seu esforzo e implicación”.
Por último, salientou que “é un atractivo para grandes e pequenos que se complementa cun recuncho gastronómico no que a xente pode gozar de actividades culturais, do sorteo de mercabolas, comida e moito máis”.
