Alberto Romar en Radio Xallas. Escoita a entrevista desde o inicio
O alcalde de Santa Comba participou no programa “Na Encrucillada” de Radio Xallas onde presentou o programa de Nadal municipal e anunciou unha batería de licitacións para os vindeiros meses.
Ademais fixo balance deste ano que remata. Está contento polo traballo feito coa preocupación de non poder atender a tódalas demandas.
“Estou máis contento do que me imaxinaba cando entrei en política” declarou o alcalde, que lembra que leva ano e medio na alcaldía: “Entendo que a xente pida. E imos facer a maioría das cousas pero pídolle a xente que me dea un pouco de marxe”.
A entrevista de Alberto Romar en titulares
Sobre os plenos
“A política é un xogo. En realidade os grupos políticos que están representados no pleno de Santa Comba no 90% das veces queremos o mesmo, pero se a un grupo político lle vai ben, a outro lle vai mal”
Críticas en redes sociais
“Eu son máis partidario de publicar as cousas cando se fan. A igual que desmentir esta serie de críticas de perfiles falsos. Para que vas investir tempo levando un ano e medio, e quedando dous anos e medio para as seguintes eleccións, para que vas investir tempo en desmentir cousas que son para facer dano”.
“Esas críticas veñen ou doutras alternativas políticas e o entendo, para sacar partido político ou senón de perfiles falsos, que todos sabemos quenes son, e toda Santa Comba sabe e penso que non hai que centrarse moito niso”
Obras
“Levamos só un ano e medio, non se nos pode esixir o que non se fixo en 30 anos, está habendo avances non só en obras, pero hai que manter un pouco a calma”
“Seguimos un criterio. Nos núcleos de poboación onde pisa a xente, hai que aglomerar”
“Cando falo de prioridades, falo de actuar no que está máis deteriorado e de repartir entre as parroquias!”
Servizo de Axuda no Fogar
“É quizais o servizo máis necesario que teñen os concellos, e que non ten financiación suficiente para dar cobertura, ás necesidades da poboación e as peticións das traballadoras”
“Aprobamos o convenio colectivo, que se levaba moitísimos anos dando voltas e esquivando e tentaremos mellorar as condicións tanto de traballadores como de usuarios”.
Traballadores municipais
“De máis de 130 traballadores que ten o Concello de Santa Coma, podo dicir moi orgulloso que estou contento con 95% deles. Pero non podo negar que hai tres ou catro persoas que fastidian o traballo do resto. Estou pensando agora mesmo nun que xa o coñece todo o mundo e que xa sempre quixo opinar de todo. Xa sempre foron os salvadores do Concello de Santa Comba, pero a eses tres ou catro traballadores o que lle digo é monten unha lista política e en maio do 2027 competimos”.
Axudas das administracións
“Desde a Deputación da Coruña e tamén desde a Xunta de Galicia, estamos conseguindo unha serie de subvencións que ata agora nos disfrutabamos delas”.
“A Deputación está apostando poño rural,polos 93 concellos que conformamos a provincia, están aumentando de maneira obxectiva as asignacións económicas para o desarrollo de proxectos en infraestruturas e mobilidade”.
