A deputada autonómica do Partido Popular, Paula Mouzo Mas, fixo unha valoración “moi positiva” dos orzamentos da Xunta para o ano 2025.
“Estou convencida de que estes orzamentos son moi positivos para a Costa da Morte e para Galicia. E que a xente irao comprobando a medida que se vaian executando”.
Referiuse a Vía de Alta Capacidade da Costa da Morte:
“Neste orzamento de 2025 hai consignada unha partida de 8 millóns de euros. O PSOE e o BNG solo puxeron primeiras pedras e pancartas. E o PP xestionou a construción de 27 quilómetros de autovía e agora vai a continuar con esa Vía de Alta Capacidade, este ano e nos próximos. Hai partidas definidas. O PSOE fala moito pero non quixo que se habilitaran fondos Netx Generation para esta vía. As cousas como son”.
«COa autovía, o psoe e o bng só puxeron primeiras pedras e pancartas. AGORA HAI PARTIDAS DEFINIDAS»
Investimentos Xunta 2025
Sobre as actuacións previstas destacou que hai catro millóns de euros para abastecementos e saneamentos que beneficiarán a veciños de Cabana , Malpica ou Laxe, e importantes inversións para os parques industriais de Coristanco, Cabana, Santa Comba ou en Carballo.
Nunha entrevista en Radio Xallas tamén fixo mención a ampliación do Colexio Mar de Fora de Fisterra con máis de 630.000 ou a mellora da eficiencia enerxética dos xulgados de Corcubión e Carballo con máis de 780.000 euros.
E as actuacións previstas nos portos de Malpica, Caión, Muxía, Fisterra, Corme ou Camariñas. Na vila dos encaixes son dous proxectos que alcanzan os 183.000 euros.
Paula Mouzo Mas ofreceu un dato: “É un último dato. Na provincia da Coruña pasamos de 4.289 euros de inversión media por habitante a 4.449 euros”.
Tamén se referiu a partidas xenéricas relacionadas co reforzo dos servizos de valoración da dependencia, Bono Concilia, Plan Camiña Rural, o Plan de Vivenda, axudas ao marisqueo a agricultura ou as rebaixas fiscais previstas.
A importancia duns orzamentos
A deputada camariñá destacou dous aspectos: a estabilidade política e contar cos orzamentos.
Sobre a estabilidade reflexionou:
“Temos a fortuna de ter un gran presidente como Alfonso Rueda. Temos unha estabilidade en Galicia que non hai en España que entre caldos políticos e Koldos non dan feito”.
E tamén defendeu a importancia de aprobar unhas contas:
“É fundamental ter un orzamento. Como temos nas nosas casas, como a xente que nos escoita ten nos seus negocios. Eu veño dun concello, o de Camariñas, que leva dous anos sen presupostos. Pagamos máis impostos que calquera concello da comarca pero non temos unha planificación económica. E iso é un descontrol. Non hai xestión”.
