O secretario xeral do PsdeG, José Ramón Gómez Besteiro, pediu ao goberno galego que avance na gratuidade das autoestradas da súa competencia, que unen A Coruña-Carballo e Puxeiros-Val Miñor, para “non ter galegos de primeira e de segunda”.
“Se pedimos a gratuidade da AP-9 e da AP-53 —de titularidade estatal— tamén pedimos que a Xunta faga gratuítas as autoestradas galegas, ou do contrario estariamos dicindo que hai uns veciños de primeira e outros de segunda e de terceira” declarou.
Autovía ata Fisterra
Nunha visita a Autovía en Carballo, Besteiro anunciou que os socialistas reclamaranlle á Xunta que remate a autoestrada A Coruña-Carballo levando a vía ata Fisterra para “vertebrar unha comarca esquecida” polo Goberno galego.
Estivo acompañado polos deputados Patricia Iglesias e Julio Abalde e por dirixentes do PSOE na comarca como as alcaldesas de Camariñas e Cee ou o alcalde de Dumbría.
