Segundo informan desde o Consorcio os bombeiros do parque Provincial de Santa Comba participaron pasadas as 23:00 horas de onte, 8 de outubro, nun operativo provocado pola inundación dunha vivenda no lugar de Hospital, na parroquia de Castriz, en Santa Comba.
As mesmas fontes informan que a inundación, debida ás inclemencias meteorolóxicas derivadas do temporal Kirk, anegou o semisoto dunha vivenda. Para solucionar a problemática os bombeiros provinciais fixeron emprego dunha motobomba que achicase a auga acumulada, e unha vez comprobadas as medidas de seguridade deuse por rematado o servizo.
