O actual alcalde de Muxía, Iago Toba Campaña reaccionou á moción de censura que lle presentou a oposición asegurando que nese momento non falaría pero que sí que se pronunciaría máis adiante.
Non tardou en lanzar as primeiras mensaxes nas redes sociais, confirmando que seguiría a traballar e que non era a veciñanza o que desaloxaba ao PSOE do Poder senon “intereses dun BNG sen rumbo, sen ideoloxía e radicalizado no odio, duns Independientes que veñen ao que veñen, que querían chegar e encher e dun PP fracasado, que nunca chegaría a gobernar e tiveron que vender os seus votantes por un soldo”.
Intereses dun bng sen rumbo, independentes que veñen ao que veñen e un pp fracasado
Tamén desde o seu Facebook, é á espera dalgunha entrevista ou comparecencia pública manifestou que “non nos vendemos nin nos dedixamos comprar, por eso sempre fomos peligrosos para certos intereses”.
Engade Toba que “sempre dixemos tanto o meu equipo como eu mesmo, que estamos na política por vocación e con grandes dosis de compromiso cos veciños e veciñas. Demostrámolo ata en situacións altamente complicadas e duras”.
Tamén asegura que “ os votos que nos deron a nos, non os vendemos nin traficamos con eles.E así seguiremos sempre, porque seguiremos, na posición que nos toque, pero seguiremos cos nosos principios e coa ética intocable ante nadie e ante nada”.
