O concello de Santa Comba ten agora en licitación diferentes proxectos que superan 1,3 millóns de euros.
Ata o 6 de setembro está aberta a licitación para a subministración de pélet para as caldeiras de biomasa das instalacións do Concello de Santa Comba por un importe de 73.400.
Tres días despois remata o prazo para presentar ofertas para a mellora de capa de rodaxe nos núcleos do Loureiro, O Busto, Grixoa, As Travesas, A Mostaza e Estévez, cun orzamento de 271.270 euros e o proxecto de Mellora de capa de rodaxe no núcleo de Sabaceda e acceso norte ao cemiterio de Santa Comba, con 51.369 euros.
Ata o 11 de setembro
E as empresas teñen de prazo ata o 11 de setembro para aspirar a adxudicación da mellora de beirarrúas e instalacións no tramo inicial da Avda. do Brasil (AC-400), por 255.107 euros, ou a mellora da pavimentación do viario de comunicación entre Freixeiro Iglesia-A Illa-Castropombo-Portocarreiro, que conta cun montante económico de 334.858,13 euros.
Tamén remata ese día o prazo no referido a mellora de viarios e saneamiento no lugar de Guisande, con 222.515 euros e a pavimentación da vía en Vilar de Abaixo(A Pereira), cun orzamento 67.436 euros.
Ademáis está en fase de avaliación a nova rede de abastecemento de San Cristovo ata a estrada AC-400, cun orzamento de 110.700 euros.
Foto- Unha das últimas actuacións do concello en Esmorode
