Accidente de tráfico con feridos na AC-441 á altura da parroquia de Antes, no concello de Mazaricos
Os bombeiros do parque Comarcal Provincial de Santa Comba foron alertados ás 13:50 horas deste mediodía dun accidente de tráfico acontecido á altura do punto quilométrico 3,5 da estrada AC-441, á altura de Antes, no municipio de Mazaricos.
A incidencia foi ocasionada por unha colisión entre dous vehículos, ambos circulantes pola marxe dereita da estrada. Por mor do accidente a circulación viuse interrompida polo emprazamento dos vehículos. Un total de catro persoas resultaron feridas, aparentemente de levidade.
O labor dos bombeiros consistiu na desconexión das baterías e no mantemento das condicións de seguridade. Xunto con eles completaron o operativo a Garda Civil de Tráfico Corcubión, e dúas ambulancias do 061 de Negreira e de Mazaricos .
Información e fotografía – Consorcio Provincial
