O concello de Santa Comba anunciou novas actuacións para a mellora de camiños municipais “no marco dunha planificación encamiñada a recuperar espazos públicos e mellorar os recursos rurais”.
Cun orzamento de 226.534 euros (186.155 euros financiados pola Xunta de Galicia e 40.378 euros con fondos municipais) repararanse camiños que se estenden entre os lugares de Esmorode-Tapia-A Pereira, Castriz- Aeródromo, e preto dos núcleos de Os Catro ventos, Sabaceda, Rebordelos, Ser, Barbeira e a zona do polígono industrial.
Desde o goberno local explican que se trata dunha actuación “que abarca decenas de quilómetros e que se centrarán en reforzar o firme dos camiños, pero tamén proveerán o ancheamento dalgún deles, a apertura de cunetas, e a limpeza das zonas adxacentes”.
O prazo de remate dos traballos está previsto para o mes de novembro.
O executivo local anuncia que en breve adxudicaranse melloras en camiños doutras parroquias cun investimento previsto de 80.000 euros.
