Os pregos de licitación do Servizo de Axuda non Fogar de Camariñas son un dos temas anunciados polo executivo local e que seguen pendentes.
As traballadoras vinculadas á empresa Sociser demandan unha actualización das súas nóminas e esa licitación sería a posible solución.
Pero en vésperas dun anuncio de mobilizacións ao goberno local ocorréuselle outra. alternativa A alcaldesa Sandra Insua( PSOE) expuxo a “resolución recurso de reposición interposto contra o acordo de prórroga do contrato de Servizos de Axuda no Fogar do Concello de Camariñas”.
Pero acabou retirando o punto da orde do día, argumentando que necesitaba a unanimidade do pleno para evitar que o PP puidera levar o asunto aos tribunais xa que a proposta contaba cun informe conxunto “negativo” da secretaría e da intervención municipal.
Nas redes sociais a alcaldesa recoñecía que a medida podería aprobarse cos votos do PSOE pero usou un refrán para explicar o seu posicionamento: “A gato escaldado a auga fría lle pon medo”. Cando o PP anunciou a súa abstención, Insua confirmou a retirada do punto.
O BNG APOIOU A PROPOSTA
Un punto que, de votarse, tería o voto afirmativo do concelleiro nacionalista Xurxo Rodríguez. Desde o BNG criticaron “a postura do PP por non apoiar a proposta de rescindir o contrato, e tamén censuramos a decisión da alcaldesa Sandra Insua por non seguir adiante coa mesma e que fose aprobada polo Pleno”.
Piden valentía ao goberno do PSOE de Camariñas e manifestaron que «A Xunta non pode pasar de costas» ante este problema.
A POSTURA DO PARTIDO POPULAR
Pola súa banda a portavoz do PP, Paula Mouzo Mas, explicou a abstención do seu grupo. Denuncia una estratexia do PSOE para evitar unha manifestación prevista polas traballadoras cunha proposta con informes negativos de Intervención e Secretaría:
“Unha proposta que o mesmo PSOE nin apoia nin deixa de apoiar, feita para evitar unha foto con pancartas e que conta con informes negativos de Intervención e Secretaría. Nós respectamos moito eses informes. E sabemos o que pode pasar se non se lles fai caso. E non fai falta ir moi lonxe e temos exemplos cerca”.
Mouzo Mas tamén tamén se referiu a petición de unanimidade da alcaldesa de buscar consenso previo co seu grupo: “Vostede está acostumada a levantar reparos e non facer caso deses informes. Sexa valente e vote a favor do punto que trae hoxe a pleno.Non necesita os nosos votos, como non os necesitou nunca, nin nunca quixo nada coa oposición”.
Posteriormente O PP presentou un rogo para pedir ao goberno local que se rematen os pregos e se licita o servizo: “Botamos en falta que en todos estes meses non tiveran tempo a darlle unha solución a estas traballadoras”, lamentou Paula Mouzo.
