O Parlamento de Galicia aprobou unha proposición non de lei presentada polo BNG e que foi trasaccionada co Partido Popular, co voto afirmativo destas dúas forzas políticas e coa abstención do PSOE, referida ao Centro de Saúde de Santa Comba.
Os acordos da Comisión 5º, Sanidade, Política Social e Emprego, foron os seguintes:
«O Parlamento de Galicia insta a Xunta de Galicia a:
1º. Acordar co Concello de Santa Comba, no prazo máis breve posíbel, os termos de uso das instalacións municipais para a realización das clases de preparación ao parto garantindo o seu desenvolvemento nun espazo digno e que responda ás necesidades de pacientes e profesionais.
2º. Acordar a firma dun convenio a través do cal acometer as obras oportunas para solucionar as deficiencias do centro”.
Nun comunicado de prensa , a deputada do BNG, Iria Carreira sinalou que «o tellado está en mal estado, con moitas das tellas rotas que provocan humidades e goteiras no interior do centro». Ademais, o seu mal illamento non só se traduce nestas filtracións de auga, «senón que chega a dificultar a actividade diaria polo ruído da auga a bater na cuberta, que entorpece o entendemento nas consultas e na área administrativa».Tamén se referiu á deficiente climatización do centro.
