18.1 C
Santa Comba
viernes, julio 12, 2024

Xornada de portas abertas no servizo de Atención Temperá de Santa Comba

O Servizo de Atención Temperá da agrupación de concellos de Santa Comba e A Baña, que se presta na Casa da Cultura xalleira, aproveita a celebración do Día Nacional da Atención Temperá, para visibilizar o seu traballo.

E farao cunha xornada de portas abertas este venres 14 de xuño. Ó longo do día o Servizo de Atención Temperá permanecerá aberto ao público de 9:00h a 10:30h e de 12:00 a 15:00h co obxectivo de dar visibilidade e permitir que as familias que se acheguen a coñecer este recurso poidan consultar dúbidas coas profesionais.

E tamén se levará a cabo un Taller de estimulación a través do xogo no chan, dirixido a bebés de 3 a 9 meses acompañados polo seu coidador principal.

A concelleira de Servizos Sociais do concello de Santa Comba, Estefanía Calvelo, explicou que “a xornada quere ser unha xanela que brinde a oportunidade de coñecer algunha das ferramentas entre o conxunto de intervencións que o servizo oferta a diario”.

Marisol Suárez, María Torreira e Cristina Rodicio

En Radio Xallas

Este martes, as profesionais que traballan neste servizo falaron en Radio Xallas. Marisol Suárez Tasende(logopeda), Cristina Rodicio Rodicio (fisioterapeuta) e María Carmen Torreira Espasandín ( terapeuta ocupacional e coordinadora do servizo) falaron sobre o S.A.T.

“Estamos observando que cada ano que pasa, hai un incremento no número de usuarios que atende o servizo” explicou Torreira.

Durante o 2023 79 familias recibiron atención das cales 12 pertencían ao concello de A Baña e 67 ao de Santa Comba.

Como dato curioso, no 2019 había un 69% de nenos cun 31% de nenas, e sen embargo o ano pasado pasamos a un 72% de nenas e 28% de nenos.

Escoita a entrevista en Radio Xallas- Desde o minuto 61

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí
Captcha verification failed!
La puntuación de usuario de captcha falló. ¡por favor contáctenos!
spot_img

Síguenos

7,820FansMe gusta
1,661SeguidoresSeguir
1,826SeguidoresSeguir
1,270SuscriptoresSuscribirte

Últimos artigos