Alternativa dos Veciños de Fisterra critica a existencia dun seguro de saúde privado para os funcionarios e as súas familias e solicitou un informe a secretaría sobre a legalidade desta contratación que ascende ós 7.000 euros anuais.
“Puidemos corroborar que o persoal funcionario do Concello dispón dun seguro de saúde privado e, ademais, que esta póliza tamén da cobertura aos familiares dos mesmos, o cal nos parece un autentico escándalo” declarou o responsable local do partido e asesor na Deputación, Juan Francisco Martínez.
Resolver a situación de inmediato
Lembran que o persoal do concello está incluído no Réxime Xeral da Seguridade Social e que no concello hai 5 funcionarios e 28 traballadores como persoal laboral polo cal o seguro é inxusto e beneficia só a unha minoría.
“O secretario-interventor do Concello debe informar ao respecto, xa que pensamos que no seu momento esta póliza debeu ser contratada dun xeito totalmente irregular, xa que non nos consta a existencia dun acordo negociado. Esta situación débese resolver de inmediato, xa que a póliza do seguro en cuestión cústalle ás arcas municipais case 7.000 € ao ano” explica Juan Francisco Martínez.
