O concello de Santa Comba aprobou a convocatoria e as bases dun proceso selectivo para a contratación de persoal.
A convocatoria inclúe a oferta de oito postos de peóns, dentro do programa PEL da Deputación, que traballarán durante un período de catro meses na prestación de servizos municipais básicos.
Outra oferta refírese a unha praza de limpador/a, para realizar unha substitución.
Ademais tamén contratarase a un técnico-axente de igualdade por un período de seis meses,así como persoal docente para un curso de organización e xestión de almacéns e outro curso de operacións auxiliares de servizos administrativos e xerais.
Prazo ata o 10 de maio
As bases están a disposición dos/as interesados/as no taboleiro de editos da Casa Consistorial e na páxina web municipal. Así mesmo poden recollerse no departamento de recursos humanos e no rexistro municipal.
O prazo de presentación de instancias e documentación é de 5 días hábiles, contados a partir do seguinte ao da publicación do anuncio da convocatoria no BOP, que foi este venres 3 de maio. Polo tanto poderán presentar as solicitudes ata o 10 de maio.
No caso do persoal docente para impartir os cursos “que se cruzarán as ofertas de emprego no servizo público de emprego e será este o que remita os candidatos/as”
