6.2 C
Santa Comba
lunes, abril 1, 2024

O BNG pide ao alcalde de Muxía “desculpas públicas e urxentes” por unhas afirmacións no pleno


O grupo de acción feminista do BNG da Costa da Morte vén esixir “desculpas públicas e urxentes” ao alcalde socialista de Muxía, Iago Toba, polas súas afirmacións durante o último pleno municipal.


Indican que o mandatario “insultou insistentemente” á edil nacionalista Mercé Barrientos chamándolle ‘cínica’ ata en sete ocasións, ‘rastrera’ noutras tantas, e tratando de aplicar gaslighting con expresións como ‘pero vostede está ben?’, ‘con esa cara de cinismo’ e ‘con ese sorriso que a caracteriza que non sabemos se tes algún problema ou non’”.
Desde o mesmo colectivo sinalan que “cando Mercé Barrientos intentou seguir, o alcalde interrompeuna de novo para dicirlle ‘prosigue con esa cara de cínica’” chegando a dicirlle á concelleira “ten coidado, eh!”.


Explican que “as faltas de respecto subiron de ton” cando se falou da Escola Infantil onde recriminan que nun momento da súa intervención Toba chegou a manifestarlle a Barrientos: “Igual quixestes ter fillos e non os tes”.

Denuncian unha actitude machista


A Acción Feminista do BNG denuncia esta actitude “absolutamente machista e de violencia contra a liberdade individual das persoas que cuestiona a intervención dunha muller polo feito de ter ou non fillos”, e subliñou que “non podemos permitir que un alcalde dirixa continuamente insultos ou chanzas nin tampouco que desvalorice a unha persoa polo feito de non ter fillos”.


Piden “que o alcalde, de aquí en adiante, se dirixa á nosa concelleira, e a todas as mulleres, co debido respecto como o que é, representante electa das veciñas e veciños de Muxía”.

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí
Captcha verification failed!
La puntuación de usuario de captcha falló. ¡por favor contáctenos!
spot_img
spot_img

Síguenos

7,820FansMe gusta
1,661SeguidoresSeguir
1,826SeguidoresSeguir
1,220SuscriptoresSuscribirte

Últimos artigos