O Colexio Rural Agrupado “A Tarandeira” promove charlas informativas simultáneas para dar a coñecer todas as metodoloxías do centro.
Serán este vindeiro luns 11 de marzo, ás 17:00 no edificio multiusos (Aula 1) de Santa Comba e á mesma hora no edificio de servizos múltiples de Coristanco.
A Tarandeira agrupa as escolas unitarias do Busto e San Cristovo (Santa Comba), Lañas(A Baña) e de Rabadeira, Feria Nova, Xaviña e Oca (Coristanco).
Un modelo de escolarización idóneo
O director do centro, Suso Mosquera, explicou en Radio Xallas que o obxectivo das charlas é “informar ás familias e dar coñecer o noso proxecto educativo, a nosa metodoloxía e como traballamos”.
Mosquera destacou que o do CRA A Tarandeira é “o modelo de escolarización idóneo para o rural e que atende as características galegas”.
Destacou o valor da contorna, a atención personalizada, un equipo docente comprometido que fan “un proxecto nonito e potente e a transición ideal da casa a escola”
Lembrou que ofertan xornadas de portas abertas durante todo o ano.
