Para o responsable local do BNG de Santa Comba, Juan David Sixto, «potenciar o trazado da Vía Céltica é de especial importancia para o desenvolvemento turístico e económico do concello de Santa Comba así como doutros municipios que atravesa”.
Destaca que “ademais do seu valor patrimonial é tamén un recurso turístico de grande calidade».
Sixto mantivo unha xuntanza co deputado de Patrimonio da Deputación da Coruña, Xosé Luís Penas, co fin de estudar iniciativas para contribuír á consolidación e difusión da Vía Céltica.
«A iniciativa parte da Asociación Costavales e, desde o BNG, queremos contribuír a potenciar este camiño e promover as vías para recuperar o rico patrimonio paisaxístico e patrimonial da vía» declarou o Sixto.
Hai uns días o portavoz nacionalista xalleiro visitou os restos da Ponte Vella (Río Castro), xunto co deputado Penas, cos alcaldes de Vimianzo e Muxía e o presidente de Costavales, entre outros.
Xosé Luís Penas comprometeuse a estudar as posíbeis vías de colaboración para a recuperación do patrimonio do camiño.
