10.1 C
Santa Comba
martes, febrero 27, 2024

XXV edición da Festa do Bolo do Pote de Mazaricos

A Festa do Bolo do Pote de Mazaricos celebra na primeira fin de semana do mes de marzo a súa XXV edición. Un número especialmente significativo co que esta celebración volve colocar o municipio no mapa da gastronomía tradicional galega, pondo en valor un dos seus produtos máis destacados.


A festa está organizada polo Concello de Mazaricos, coa colaboración da Asociación de Amas de Casa El Hórreo, a Asociación de Veciños Monte Picoto e mais o restaurante e hotel Casa Jurjo.


A programación dá comezo o sábado 2 con xantares e ceas, con reserva previa, de cocido e bolos do pote nos distintos establecementos hostaleiros participantes na festa. A lista inclúe o Asador Manduca, o Restaurante Efe-Eme, Casa Jurjo, Campamento Corzón e Casa Pego. O prezo dos menús de bolo do pote, cocido, postre, viño e café situarase a partir de 25 euros. Ademais, son colaboradores nesta edición a Taberna Casa Senra, o Café Bar Alborada e a Pizzería Pinocchio.


Xa o domingo 3, a festa arrinca ás 13h co pasarrúas e o concerto do grupo de gaitas O Sib do Solpor. A continuación terá lugar a degustación de bolos do pote no campo da feira. O prezo da degustación será de 2 euros, con agasallo dun prato de cerámica do Buño. Simultaneamente, os establecementos participantes ofrecerán menús e degustacións de bolo do pote. A partir das 16h terá lugar o pasarrúas pola Picota a cargo da Charanga Alambique.


Se o tempo o permite, instalaranse inchables para que xogue a rapazada. Será entre as 12:30h e as 15:15h, e entre as 16:15h e as 18:30h.


NOTA DE PRENSA Concello de Mazaricos)

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí
Captcha verification failed!
La puntuación de usuario de captcha falló. ¡por favor contáctenos!

Síguenos

7,820FansMe gusta
1,661SeguidoresSeguir
1,826SeguidoresSeguir
1,210SuscriptoresSuscribirte

Últimos artigos