Dumbría brilla con luz propia cada Entroido. O pavillón polideportivo do Conco acollerá o vindeiro domingo 11 de febreiro o seu popular concurso.
A partir das 17h as comparsas terán o punto de concentración na praza do concello para iniciar un desfile ata as instalacións deportivas.
Premios comparsas Dumbría
O concello reparte máis de 2.000 euros en premios. No apartado de comparsas haberá tres premios de 1.000, 500 e 300 euros respectivamente para os primeiros clasificados.
As comparsas que non resulten premiadas terán unha axuda económica de 200 euros. O prazo de inscrición para as comparsas estará aberto ata o xoves 8 de febreiro (oficinas municipais).
Tamén haberá concurso individual, cun premio de 150 euros ao disfraz individual máis orixinal. Tódolos nenos disfrazados recibirán un agasallo.
