O equipo de Goberno local do Concello de Muxía difundiu un comunicado de prensa para aclarar que actuou seguindo estrictamente os protocolos de seguridade “para solucionar en dous días” a situación da agua no CEIP Vilarmide Eduardo Noya, solventado a incidencia o 10 de xaneiro.
“Actuamos en canto tivemos coñecemento da situación e seguindo as analíticas e os informes oficiais. Oxalá aprendan de nós o Partido Popular e poidan xestionar os problemas medioambientais con esta celeridade e eficacia. En apenas 48 horas estaba solucionada a incidencia”, indicou o alcalde, Iago Toba.
«Politizar os colexios non da resultado»
“Politizar os colexios non da resultado, como xa o demostraron os populares de Muxía co CEIP dos Muíños”, engade o rexedor que amosa a súa “preocupación pola deriva e a falta de altura de miras da oposición que pretende manipular e sacar rédito destas situacións e a costa de alertar a pais e nais”, engade o rexedor.
“Preocúpame a deriva e a baixeza moral tanto de PP como de BNG, que parécense cada vez máis na forma de facer e de entender a política. Este equipo de goberno vai seguir traballando por e para Muxía e, una vez máis, a verdade e os informes desmontan a manipulación” engadiu.