Segundo informou AXEGA 112 un cicilista faleceu no concello de Santa Comba logo de ser atropelado.
Malia os esforzos, o persoal sanitario nada puido facer por salvarlle a vida ao home que circulaba en bicicleta cando foi atropelado por unha ambulancia.
Ao fío das 15 horas da tarde o 112 Galicia recibiu o aviso por parte dun particular dun ciclista atropelado por unha ambulancia na AC-546, no quilómetro aproximado 13, ao seu paso pola parroquia de Fontecada, en Santa Comba (A Coruña).
Axiña, os xestores do Centro Integrado de Atención ás Emerxencias-112 Galicia pasaron o aviso a Urxencias Sanitarias de Galicia-061, os cales nada puideron facer por salvarlle a vida ao varón.
A maiores, tamén foron informados os Bombeiros de Santa Comba, os axentes da Garda Civil e da Policía Local e os membros de Protección Civil de Santa Comba.
