Foto- Faladoiro de Vimianzo
O multiusos xalleiro acolle este luns un dos faladoiros do proxecto “Paisaxes Intelixentes” que organizan 4 GDRs de Galicia (entre eles o GDR Costa da Morte e o GDR Terras de Compostela).
Comezará as 19h baixo o nome de “Hacia onde camiña o sector forestal”, tratando temas como a certificación PEFC na xestión forestal, mercado de carbono nos bosques, xestión forestal integrada e o futuro do sector.
“Xestión gandeira e de forraxes” en Vimianzo
E o 21 de setembro celebrouse un novo faladoiro na Casa da Cultura de Vimianzo, que se baseou nas novas estratexias e lexislación referidas á xestión sostible das explotacións gandeiras de vacún: a nova PAC; o benestar animal e a bioseguridade; os requirimentos medioambientais das explotacións; a implantación de pradeiras en terreos de monte como alternativa aos cultivos forraxeiros.
As temáticas centrais deste faladoiro foron as seguintes:
• Aplicación práctica da nova PAC.
• Implantación de pradeiras en terreos de monte.
• O benestar animal e a bioseguridade nas explotacións de vacún.
• Requirimentos medioambientais nas explotacións de vacún.
• O mercado do leite e as esixencias do consumidor e da cadea láctea.
Ao evento asistiron ao redor de 40 persoas ás que, como se fixo nos anteriores faladoiros, se lles entregou un agasallo consistente nun paquete de 300 gramos de Faba Galaica producida no territorio, nun campo experimental no marco do proxecto de cooperación.
