A concelleira do Partido Popular de Muxía, Sofía López, presentou a súa renuncia por motivos persoais segundo informaron fontes desta organización. López xa fora concelleira durante os últimos catro anos.
A portavoz municipal, Sandra Vilela, agradeceu o traballo “incansable” de López, de quen Vilela destacou o seu “compromiso” e a súa “lealdade”.
O traballo de Sofía López
“Perdemos a unha persoa moi importante para nós, que sempre estivo disposta a botar unha man no que fixera falta e que, por encima de todo, o seu único propósito foi mellorar a vida dos veciños de Muxía”, apuntou Vilela, quen asegurou que as portas do partido sempre estarán abertas para López.
Por último, a voceira popular informou de que o seu partido comunicará nos próximos días quen é a persoa que substitúe a Sofía López como concelleira na corporación municipal do Concello de Muxía.
