A muxiana Sandra Vilela Riveiro tomou posesión do seu cargo como deputada autonómica, este martes na sesión do Parlamento de Galicia. Sustitúe ao anterior portavoz Pedro Puy Fraga.
Sandra Vilela é a portavoz do Partido Popular de Muxía. É profesional do sector dos seguros e foi candidata á alcaldía en dúas ocasións.
A finais de xuño, entraba como deputada outra muller da Costa da Morte, a camariñana Paula Mouzo Mas, tamén do Partido Popular e portavoz no seu concello.
Muxía, máis presente ca nunca no Parlamento de Galicia
Recentemente nunha entrevista no noso Podcast “A Trencha” Sandra Vilela aseguraba que este posto era “un orgullo” e tamén “unha boa oportunidade para o meu concello. É importante que poidan ter unha voz que lles poida axudar nun sitio tan relevante como é o Parlamento de Galicia”.
Vilela é consciente de que representa “a toda a comarca” pero tamén é “lóxico” que traballe para que “Muxía estea máis presente ca nunca neste Parlamento”.
Agora, xunto con Mouzo e Vilela, tamén forma parte da cámara o carballés Rubén Lorenzo.
