15.6 C
Santa Comba
viernes, julio 12, 2024

O PP critica que o goberno local “non fixera os deberes” e Camariñas non teña aprobado o orzamento do 2023

«O Goberno renunciou a facer o orzamento de 2023 e segue dando normalidade á súa mala xestión» sinalan os populares.

A través da conta de Facebook @ppdecamarinas, O Partido Popular de Camariñas expresou o seu malestar polo feito de que o goberno local socialista non elaborara os orzamentos deste ano 2023, o que para os populares é unha mostra de “ falta de planificación e a mala xestión”.

Camariñas cos orzamentos prorrogados

A portavoz do PP, Paula Mouzo Mas declarou:»Non entendo como tendo maioría absoluta, e varias dedicacións exclusivas non fixeron un presuposto para este ano. Non vexo cal é a excusa e non entendo como lles parece normal esta situación. Un concello ten que ter un presuposto anual».

Fixo estas declaracións despois do pleno extraordinario celebrado o luns. Para os populares “neste pleno volveuse a levar un recoñecemento extraxudicial de crédito, (o octavo deste ano), un suplemento e outros recursos que son consecuencia de non ter uns orzamentos aprobados».
Para o Partido Popular de Camariñas é evidente que «unha vez máis, o PSOE de Camariñas non fixo os deberes».

Imaxe difundida polo PP nas redes sociais

Plan de subvencións

Con respecto ao Plan estratéxico de Subvencións, o Partido Popular votou en contra despois de presentar unha proposta alternativa:

«Nós propoñemos que este plan quede sobre a mesa e se organice unha xuntanza coas asociacións e os partidos políticos para recoller as súas inquedanzas. Supoño que coa opinión de todos podemos facer un plan máis útil, representativo e completo. Estamos a favor das actividades e das festas, pero queremos que as asociacións sexan protagonistas e se escoiten as súas peticións e ideas» declarou Paula Mouzo.

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí
Captcha verification failed!
La puntuación de usuario de captcha falló. ¡por favor contáctenos!
spot_img

Síguenos

7,820FansMe gusta
1,661SeguidoresSeguir
1,826SeguidoresSeguir
1,270SuscriptoresSuscribirte

Últimos artigos