14.9 C
Santa Comba
jueves, julio 18, 2024

Volven os Rueiros da Vila a Caión

Caión volverá converterse nun festival musical e cultural coa celebración da terceira edición Rueiros da Vila durante as fins de semana da segunda quincena de agosto (días 18, 19, 20, 25, 26 e 27).


A oficina de información turística da localidade costeira acolleu este mediodía a presentación do evento a cargo do alcalde, José Manuel López Varela, a concelleira de Cultura, Patricia Bello, e Mahoney en representación de Sincro, a productora que xestiona o programa.


Do mesmo xeito que nas edicións anteriores, a música será a gran protagonista e encherá todos os recunchos de Caión durante esas xornadas ao estar habilitados catro escenarios diferentes para aproveitar todo o potencial que ofrece a localidade:


• Escenario Patio: finca situada entre a igrexa parroquial e o paseo marítimo.
• Escenario Cárcere Vello: paseo marítimo.
• Escenario Rueiro das Figueiras: praza Virxe dos Milagres.
• Escenario Salseiras: zona verde xunto ao acceso principal á praia.

Tamén haberá actividades culturais, lúdicas e recreativas dirixidas a todos os públicos. O Roteiro da Vila consistirá nun percorrido polos lugares máis importantes da localidade guiado polo historiador Marcos Amado e coa colaboración da Confraría de Pescadores de Caión. Os Rueiros Pequeniños inclúen dous espectáculos para o público infantil e familiar.


O alcalde fixo referencia ao “éxito das dúas edicións anteriores” e felicitouse por ofrecer en Caión “un programa especial, distinto, para que poidan desfrutar veciños e turistas e que sexa o anticipo das festas principais, que son as dos Milagres”. Valorou a importancia de que “teña cabida todo tipo estilos musicais” e concluíu destacando que o programa combine “o mar, a música, a gastronomía, o surf, a tradición e a historia”.


Mahoney valorou que os Rueiros da Vila estean “consolidados e asentados en Caión”, conformando “un escaparate para bandas emerxentes do panorama galego” e tamén con “espazo para artistas locais xa que cada ano hai laracheses no cartel” como sucederá este ano nas actuacións de Daniela Montes, A Sombra dos Soños e Cantometrics.

Tras salientar que se trata dun programa “plural, nutrido e de ambiente familiar”, concluíu referíndose a boa comunicación co Concello que posiblita organizar seis xornadas de actividades en catro localizacións diferentes, todas cun “marco espectacular xunto ao mar”.
O programa Rueiros da vila ten o seu propio perfil nas redes sociais Facebook, Instagram e Youtube nos que se ofrecerá información puntual sobre todos os eventos que se desenvolverán nesas datas en Caión.


Programación Rueiros da Vila 2023


Venres 18


• 19:00 h, Escenario Cárcere Vello. Dr Think. Sesión na que se dan a man o nudisco, o deep house e o groove.
• 21:30 h, Escenario Patio. Terrae DJ’s. Proxecto musical e show audiovisual enfocado a unha simbiose a todos os efectos entre natureza e humanos a través do baile.


Sábado 19
• 19:00 h, Escenario Cárcere Vello. Coto. Sesión de estilo predominante techno-house, con pinceladas de minimal e deep house.
• 21:30 h, Escenario Patio. Nano MZ. Un dos artistas de maior crecemento da nova ola da música española que acumula máis de sete millóns de strems en plataformas.
• 22:30 h, Escenario Cárcere Vello. Alex Kleve. Relacionado coa música electrónica desde mediados dos ‘90, nas súas sesións mezcla múltiples estilos, principalmente o techno e o house.


Domingo 20
• 19:30 h, Escenario Cárcere Vello. O Mago Paco. Especialista en maxia infantil, caracterízase pola posta en escena de elementos visuais e moi
rechamantes que provocan unha dinámica constante sobre o escenario
• 19:30 h, Escenario Rueiro das Figueiras. Dúo Camándula. A través dun repertorio ecléctico, este dúo arteixán busca a complicidade do público transmitindo a emoción da música que sae do violín e do acordeón.
• 21:30 h, Escenario Patio. Cantometrics. Banda formada por catro galegas de ampla traxectoria en diferentes estilos que abranguen dende a música clásica e académica ata a tradicional, pasando polo pop, o folk ou a música electrónica

Venres 25
• 12:30 h. Roteiros da Vila. Saída desde a praza Eduardo Vila Fano e remate no Arquivo da Pesca.
• 20:00 h, Escenario Cárcere Vello. Amoebo. Unha reconstrucción da verbena galega. Proposta de música urbana que se alimenta
de ritmos latinos e do idol pop dos ’80.
• 21:30 h, Escenario Patio. Jinetes del Trópico. Cumbia, ritmos tropicais, reggaeton á galega e moito máis.


Sábado 26
• 20:00 h, Escenario Cárcere Vello. Catuxa Salom. As súas cancións son un canto á vida rural, ao ecofeminismo e ás raíces: un convite a conectar co noso pasado. A artista galega de raíces nativo-arxentinas, finalista dos Premios Martin Códax na categoría de músicas do mundo e mestizaxe neste ano 2023, consolidouse como unha das novas referencias do
panorama electrofolk en Galicia.
• 21:00 h, Escenario Patio. Daniela Montes. A xoven larachesa, de 14 anos de idade, foi unha das participantes na última edición do talent show La Voz Kids.
• 21:30 h, Escenario Patio. A Sombra dos Soños. A banda móvese entre diferentes estilos de rock e metal con influencias variadas que abranguen dende o rock setenteiro ata o folk galego, pasando por
momentos máis progresivos e outros máis acústicos.


Domingo 27: Rueiros Pequeniños
• 13:30 h, Escenario Salseiras. Circanelo. Espectáculo de teatro xestual, danza e acrobacia.
• 19:00 h, Escenario Salseiras. Píscore. Comedia musical e xestual.

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí
Captcha verification failed!
La puntuación de usuario de captcha falló. ¡por favor contáctenos!
spot_img

Síguenos

7,820FansMe gusta
1,661SeguidoresSeguir
1,826SeguidoresSeguir
1,270SuscriptoresSuscribirte

Últimos artigos