Este sábado 12 de agosto celébrase o Torneo de pádel nocturno do Concello de Santa Comba. As persoas interesadas en participar nesta actividade deportiva están a tempo de inscribirse no seguinte enlace: www.santacomba.es/reservas ou na Oficina de Deportes .
Repartiranse 450 euros , entre as tres primeiras parellas, en vales para canxear en tendas de deportes de Santa Comba.
Tralo campionato de tenis de mesa celebrado o pasado venres, o alcalde, Alberto Romar, anima a toda a xente a participar nestas iniciativas deportivas.
Xuntanza veciñal
Este venres, o auditorio do multiusos acolle unha xuntanza convocada polo alcalde, Alberto Romar e a que están convidados veciños e comerciantes das zonas aledañas á Praza de Santa Comba. Será as 21h.
O motivo da xuntanza será o “de consensuar a prohibición de aparcar na praza arbolada co fin de humanizar esa zona e crear un espacio seguro e de encontro para a nosa xente” e a búsqueda de posibles reubicacións das prazas de aparcadoiro.
Outras noticias de Santa Comba
O concello de Santa Comba acolleu unha xuntanza dos alcaldes de Negreira, A Baña, Val do Dubra e Santa Comba na que segundo fontes do concello xalleiro trataron “temas de importancia estratéxica e de futuro referentes á xestión do territorio e a colaboración intermunicipal en diferentes áreas“.
A parroquia da Pereira celebra o vindeio 24 de agosto as festas de San Luis. Haberá sesión vermú co Dúo Reflejos e verbena con La Misión e Furia Joven.
